भांगरभूंय | प्रतिनिधी
पणजी, प्रतिनिधी : गोंयच्या बर्या खातीर तियात्रिस्त वाट चुकिल्ल्या राजकारण्यांचे कान पिळटात. मात, गोंयच्या भाजपा सरकाराक ही टिका आवडना. ताका लागून हें सरकार तियात्राच्या विरोधांत आसा. तांणी तियात्राचेर टॅक्स लायला, अशी टिका गोंय फॉरवर्डचे अध्यक्ष विजय सरदेसाय हांणी केली.
लंडनांत गेल्ले कडेन तांणी थंयच्या गोंयकारांक सांगलें, भाजप सरकाराक तियात्र आनी तियात्रिस्ट आवडना. कारण ते राजकारण्यांचो पर्दाफाश करतात. ह्या सरकारान गोंयांत खेळ तियात्राचेर कर लायला. इतलें हें सरकार तियात्र विरोधी जावन आसा. गोंय, गोंयकार आनी गोंयकारपणाची राखण करपाक एकवटान उबें रावपाक जाय. गोवा फॉरवर्डाक फांटबळाची गरज आसा. गोंयांत एकवट वाडोवन गोंयकारपणाची राखण करपाक तुमच्या पयशांची न्हय, फांटबळाची गरज आसा असो उलो तांणी लंडनांतल्या गोंयकारांक मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
