भांगरभूंय | प्रतिनिधी
मडगांव, प्रतिनिधी : इलेक्टोरल बॉण्ड्सचेर सर्वोच्च न्यायालयान फटको मारिल्ल्यान आतां स्टेट बँक ऑफ इंडियान लोकांचो विस्वास वगडायला. प्रधानमंत्री नरेंद्र मोदी हांचे राजवटींत एसबीआय बँकेंत आपल्यो ठेवी आनी लॉकर्स आशिल्ल्या नागरिकांक बँकेचेर विस्वास दवरप कठीण जालां. कॉंग्रेस पक्षाच्या नेतृत्वा खाला इंडिया आघाडी जुनांत सत्तेर आयल्या उपरांत एसबीआयचेर जनतेचो गेल्लो विस्वास परत मेळयतले, असे कॉंग्रेस प्रदेशाध्यक्ष अमित पाटकार हांणी म्हणलें.
स्टेट बँक ऑफ इंडियान सुप्रीम कोर्टांत राजकी पक्षां कडेन इलेक्टोरल बॉण्ड्स देणगीदारांक जुळोवपाक सुमार चार म्हयन्यांचो काळ लागतलो हें कारण दिवन आनी म्हायती सादर करपाक जून निमाणें मेरेनचो वेळ मागिल्लो. सुप्रीम कोर्टान वेळ वाडोवपाक न्हयकार दिले उपरांत तेच एसबीआयन सप्तक भरांतूच सगळो डेटा सादर केलो, अशें पाटकार हांणी नमूद केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
