भांगरभूंय | प्रतिनिधी
पणजी, प्रतिनिधी : भाजपचे दोनय उमेदवार लोकसभा वेंचणुके खातीर 16 एप्रीलाक अर्ज भरतले. पल्लवी धेंपो ही सकाळीं 11 वरांचेर आपलो अर्ज भरतली. ते उपरांत फाटोफाट 12.15 वरांचेर श्रीपाद नायक हे अर्ज भरतले, अशें भाजपाचे प्रदेशाध्यक्ष सदानंद शेट तानावडे हांणी सांगलें.
दक्षिणेची उमेदवार पल्लवी धेंपो दक्षीण गोंय जिल्होधिकारी कार्यालयात अर्ज दाखल करतली. उपरांत सगळे कार्यकर्ते आनी पदाधिकारी पणजे येतले. उत्तर गोंयचे उमेदवार श्रीपाद नायक उत्तर गोंय जिल्होधिकारी कार्यालयात उमेदवारी अर्ज भरतले, अशें तानावडे हांणी सांगलें.
दोनूय उमेदवारांची प्रचाराची दुसरी फेरी चालू आसा. पल्लवी धेंपो हांची प्रचाराची पयली फेरी सोंपली. दिसभर ती प्रत्येक मतदारसंघात भेट दितां. आयज ती नावेली मतदारसंघात प्रचार करता. जाल्यार उत्तरेंत श्रीपाद नायक हे आयज प्रियोळ मतदारसंघात प्रचार करतात, अशी म्हायती तानावडेन दिली.
सगळे जाण आपल्या प्रचारांत व्यस्त आसात. कार्यकर्ते आपापल्या बुथांचेर काम करतात. पन्ना प्रमुख माध्यमांतल्यान विक्रमी मतदान जावचें म्हूण कार्यकर्ते कामांक लागल्यात, अशे तानावडेन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
