भांगरभूंय | प्रतिनिधी
म्हापशें, प्रतिनिधी ः आंध्र प्रदेशांत भागीदारीच्या आदाराचेर सुंगटांची पैदास करपाचो वेवसाय सुरू करपाच्या नांवान हणजुणेंतल्या दोगांची 14 लाखांक फटवणूक जाल्या. प्रकरणां कडेन संबंदीत आंध्रांतल्या एका मनशा आड पुलिशेंत गुन्यांव नोंद केला.
जाविध मोनिस (शापोरा, बार्देस) हांणी दाखल केल्ले कागाळी प्रमाण आंध्र प्रदेशांतलो प्रभाकर बिथाला भंगारायन (पूर्व गोदावरी, आंध्र प्रदेश) हांणी भागीदारीच्या आदाराचेर सुंगटांची पैदास करपाचो वेवसाय सुरू करपाच्या नांवान 14 लाखांची फटवणूक केल्ल्याचे कागाळदारान कागाळींत म्हणलां. मजगतीं, जाविध आनी ताचो इश्ट संतोष भोसले हांचे कडेन प्रभाकरान संपर्क सादलो आनी उल्लेख केल्ल्या वेवसायांत भागीदारी करपाचो प्रस्ताव मांडलो. भरपूर पयसो, जोडूच जोड अशीं साबार सपनां दाखोवन ताणें दोगांय कडल्यान थोडे थोडे करून वट्ट 14 लाख रुपया घेतलें. जेन्ना आपली फटवणूक जाता असो दुबाव आयलो तेन्ना तांणी पुलिशेंत कागाळ केली.
प्रभाकर बिथाला भंगारायन हांचे आड फटवणूकीचो गुन्यांव नोंद केला. आरोपीक अजून अटक जावंक ना, पूण पुलिसांनी चवकशी करपाक सुरवात केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
