भांगरभूंय | प्रतिनिधी
आयज, बुधवारा (१० एप्रील) भांगराचें मोल सगळ्यांत चड वाडलां. इंडिया बुलियन अँड ज्वेलर्स असोसिएशनाचे (IBJA) वेबसायटी प्रमाण, १० ग्रॅम भांगर आयच्या वेव्हारा मजगतीं २१६ रुपयांनी म्हारग जावन ७२,०४८ रुपया जालां.
रुपेंय आयज बरेंच म्हारग जालें. एक किलो रुप्याचें दर ३६८ रुपयांनी वाडून ८२,४६८ रुपया जाल्यात. एका दिसा आदीं तें ८२,१०० रुपया आशिल्लें. तज्ञांच्या मतान येवपी कांय दिसांनी ताचे किंमतींत आनीक वाड जावपाक शकता.
भांगराच्या दरांत तीन म्हयन्यांत ८,७४६ रुपयांनी वाड
आतां मेरेन भांगराची किंमत फकत ३ म्हयन्यांनी ८,७४६ रुपयांनी वाडल्या. १ जानेवारीक भांगर ६३,३०२ रुपया आशिल्लें. तें ६३,३०२ रुपया प्रती ग्रॅमा वयल्यान ७२,०४८ रुपयां वयर पावलां. तेन्ना रुप्याचें दर ७३,३९५ रुपया किला वयल्यान ८२,४६८ रुपया किलार पाविल्ले.
भांगर ७५ हजार रुपयां मेरेन पावपाक शकता
बाजार तज्ञांच्या मतान येवपी कांय दिसांनी भांगराच्या दरांत वाड जावपाची शक्यताय आसा. हाका लागून हे वर्स सोंपता सोंपता भांगराचें दर ७५ हजार रुपया प्रती १० ग्रॅमा मेरेन वचपाक शकता. तशेंच रुप्याचो सरूय ८५ हजार रुपया किल पावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
