भांगरभूंय | प्रतिनिधी
पणजी : राज्यांत बिरसा मुंडा हांच्या 150 व्या जयंती निमतान 4 ते 5 सुवातींचेर तरेकवार कार्यावळी आदिवासी लोकांच्या सहभागान जातल्यो, अशें मुख्यमंत्री डॉ. प्रमोद सावंत हांणी सांगलें.
भगवान बिरसा मुंडा हांचे जयंती निमतान राज्यांत 15 नोव्हेंबर ते 20 नोव्हेंबर मेरेन कार्यावळी जातल्यो. भगवान बिरसा मुंडांचें जिवीत आनी कार्याचेर आधारीत कार्यावळी आसतल्यो, अशें मुख्यमंत्र्यांनी स्पश्ट केलें. कार्यावळींची तयारी आनी प्रकार थारावपा खातीर मुख्यमंत्री डॉ. प्रमोद सावंत हांणी मंत्रालयांत बसका घेतली. आमदार गणेश गांवकार, आमदार आंतोनियो वास आनी हेर अधिकारी बसकेक हाजीर आशिल्ले.
बिरसा मुंडा जयंती निमतान पुराय देशांत कार्यावळी जातात. फाटल्या वर्सा लेगीत शासकी मळार बिरसा मुंडाच्या जयंती निमतान कार्यावळ जाल्ली. अंदूं 150व्या जयंतीक लागून सप्तकभरांत कार्यावळी जातल्यो. कार्यावळीं खातीर समिती स्थापन जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
