भांगरभूंय | प्रतिनिधी
काणकोण, प्रतिनिधी: मनोहर पर्रीकर राष्ट्रीय महामार्ग, भगतवाड्यार बिरेस्तारा रातच्या वेळार वाहनाचो धपको बसून सात म्हासरांक मरण आयलें. पयलो अपघात रातच्या सुमार ९.३० वरांचेर एका ट्रकान धपको दिल्ल्यान दोन म्हशींक मरण आयलें. मरण आयिल्ल्या म्हसरांक रस्त्या वयल्यान कुशीक काडपाचें काम पाटणेंच्या वैभव फळदेसाय आनी ताच्या हेर वांगड्यांनी केलें.
जाल्यार दुसर्या अपघातांत म्हालाची येरादारी करपी गाडयेन त्याच वाठारांत आनीक पांच म्हसरांक धपको दिल्ल्यान तांकां मरण आयलें. वाहनांच्या धपक्यान वट्ट सात म्हसरांक मरण आयलें, अशें फळदेसाय हांणी सांगलें.
म्हसरांच्या अपघाताची म्हायती येरादारी विभाग, पुलीस विभाग हांका दिले उपरांत मरण आयिल्ल्या म्हसरांक हेर कडेन व्हेल्यो. हे विशीं फळदेसाय हांणी, राष्ट्रीय महामार्गाचेर रस्त्यावेले दिवे पेटनात. ताका लागून धांवपी वाहन चालकांक रातच्या वेळार रस्त्यार आशिल्लीं म्हसरां दिसनात. हाका लागून अपघात घडटात. ह्या अपघातांत वाहनांचें व्हडा प्रमाणांत लुकसाण जावपा वांगडा गाडी चालक जखमी जातात. बंद आशिल्ले रसत्यावयले दिवे सारके करचे अशी मागणी तांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
