भंडारी समाजाची १६ मार्चाक हरवळ्यां बसका: समाजाक आरक्षण दिवपाचेर जातली चर्चा
भांगरभूंय | प्रतिनिधी
दिवचल, प्रतिनिधी: गोमंतक भंडारी समाजा वतीन दिवचल आनी सत्तरी म्हालांतल्या समाज भावांची खासा बसका शेनवार १६ मार्चाक जातली. सांजेवेळार ४ वरांचेर हरवळेंच्या श्री रुद्रेश्वर देवस्थान सभाघरांत ती आयोजीत केल्या. हे बसकेक दिवचल आनी सत्तरी म्हालांतल्या समाज भाव आनी भयणींनी व्हडा संख्येन हाजीर रावचें असो उलो मारलो.
म्हत्वाच्या विशयांचेर जातली चर्चा
- भंडारी समाजाक २० टक्के आरक्षण (नोकरी, वेवसाय येवजण, शिक्षणीक मळ, राजकी मळ) चर्चा आनी निर्णय.
- भंडारी समाजाचें आराद्यदैवत श्री रुद्रेश्वर देवस्थानांत महाशिवरात्र उत्सवांत निर्माण जाल्ल्या वादा संबंदी चर्चा.
- समाजाक भेकडावपी म्हत्वाच्या विशयांचेर चर्चा आनी निर्णय.
हे बसकेक गोंयच्या भंडारी समाजाचे मुखेल फुडारी हाजीर रावन मार्गदर्शन करतले. दिवचल आनी सत्तरी म्हालांतल्या सगळ्या समाज भाव आनी भयणींनी व्हडा संख्येन हे बसकेक हाजीर रावचें असो उलो निमंत्रक काशिनाथ मयेंकार हांणी मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
