भांगरभूंय | प्रतिनिधी
भांगरभूंय । प्रतिनिधी
म्हापशेंः प्रजापती ब्रह्मकुमारी आंतरराष्ट्रीय विश्व विद्यालय मुख्यालयांतल्या खाद्य विभागाचे वेवस्थापक सुरज भाई आयतार 21 तें बिरेस्तार 25 मे मजगतीं गोंय भोंवडेर येतले. म्हापश्यांत तांचे ध्यान शिबीर आनी लोक संवादाची कार्यावळ जातली. ब्रह्मकुमारीच्या गोंय आनी सिंधुदुर्ग विभागाची संचालिका शोभा बहनजी आनी सुरेखा बहनजी हिणे ब्रह्मकुमारीच्या कार्यालयांत आयोजीत केल्ले पत्रकार परिशदेंत ही म्हायती दिली.
सुरज भाई वांगडा ब्रह्मकुमारीच्या लेखिका गीता बहनजी आसतल्यो. 21 मेक सुरज भाई वेंगुर्लें हांगच्या ब्रह्मकुमारी सुखसमाधान ह्या कार्यालयाचे उक्तावण करतले. 22 मेक म्हापशें कार्यालयांत फांतोडेर 4 तें 4.45 मजगतीं तांची ध्यान कार्यावळ जातली. सकाळीं 10 ते सांजे 5 मेरेन धान्य शिबीर जातलें. 23 मेक वेर्लें- बार्दशे फांतोडेर 4 वरां सावन आनी सांजे 5 तें 7.30 मजगती म्हापशें हनुमान नाट्यघरांत सुरज भाईचो लोक संवादाची कार्यावळ जातली. हे कार्यावळीचें मुख्यमंत्री आनी तांच्या मंत्रिमंडळांतल्या मंत्र्याक हाजीर रावपाचें आमंत्रण दिला अशें शोभा बहनजीन सांगलें.
24 मेक ब्रह्मकुमारीच्या गोंय आनी सिंधुदुर्ग विभागांतल्या मुखेली खातीर धान्य शिबीर जातलें. 25 मेक सुरज भाई अबूधाबीक वतले. ब्रह्मकुमारी वतीन वेसनमुक्ती आनी जलजन अभियान चालीक लायलां. देशांत उदकाचो उणाव जावपाची भिरांत आशिल्ल्यान उदकाचें संवर्धन करपा विशी लोका जाग्रुताय करतले अशें शोभा बहनजीन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
