भांगरभूंय | प्रतिनिधी
अहमदाबाद, खबरां संस्था: बौद्ध धर्म हो एक वेगळो धर्म मानचो. हिंदू धर्मांतल्यान बौद्ध, जैन, शीख वा हेर खंयचोय धर्म आपणावपाचें आसल्यार जिल्होधिकार्याची संमती घेवप गरजेचें. गुजरात धर्म स्वातंत्र्य कायदो २००३ च्या तरतुदी प्रमाण तें सक्तीचें आसा. गुजरात सरकारान हे संबंदी जारी केल्ल्या परिपत्रकाचेर चर्चा सुरू जाल्या.
बौध्द धर्म मान्य करपाच्या अर्जाचेर नेमा प्रमाण कार्यवाय जायना हें जाणून घेवन गुजरात सरकारान ८ एप्रीलाक हें परिपत्रक जारी केलां. बौद्ध धर्म हो एक वेगळो धर्म आसून धर्मांतरा खातीर जिल्होधिकार्याची संमती घेवची पडटा असो उल्लेख आयला. हें पत्र गुजरात राज्य गृह खात्याचे उपसचीव विजय बधेका हांचे सये खाला जारी केलां. दसरो आनी गुजरातांतल्या हेर म्हत्वाच्या परबां दिसांनी दलीत लोक बौद्ध धर्म आपणायतात. ते प्रमाण हें पत्रक जारी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
