भांगरभूंय | प्रतिनिधी
फोंडें : फोंडें-मडगांव मार्गार बोरये बिरेस्तार दनपरां जाल्ल्या अपघातांत एके बायलेक मरण आयलें. जाल्यार आनीक एकलो गंभीर जखमी जालो. कंटेनरान स्कुटरीक नेटान धपको दिल्ल्यान हो अपघात जालो.
बोरयेच्या श्री साईबाबा देवळा लागसार जाल्ल्या ह्या अपघाता उपरांत चालक कंटेनरा सयत घटणुके सुवातेवेल्यान पळून गेलो. मात पुलिसांनी रोखडीच कारवाय करून ताका ताब्यांत घेतलो. हे घडणुकेक लागून ह्या वाठारांत दुख्ख पातळ्ळां.
अपघाता उपारंत कांय काळ फोंडें-मडगांव मार्गावेली येरादारी विस्कळीत जाल्ली. रस्त्यार वाहनांच्यो लांबचे लांब रांको लागिल्ल्यो. पुलिसांनी घडणुके सुवातेर वचून येरादारी सुरळीत केली. जखमीक उपचारा खातीर हॉस्पिटलांत दाखल केलो. फोंडें पुलीस हे विशीं फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
