बेळगांव शिमेचेर 7 लाखांचो सोरो जप्त

भांगरभूंय | प्रतिनिधी

बेळगांवी : गोंयचो सोरो जप्त करपाचे आनीक एक घडणुकेंत कर्नाटक अबकारी कर्मचाऱ्यांनी सोमारा 7,22,400 रुपया मोलाचो गोंयचो सोरो जप्त केला. केए 22 डी 6275 क्रमांकाची महिंद्रा पिकअप गाडी कर्नाटक राज्याचे योग्य ट्रांझीट परवाने नासतना बेकायदेशीर रितीन कर्नाटक राज्याचे शिमेचेर 86 पेटी लिगेओन प्रिमियम ब्लेंडेड गोंय व्हिस्की घेवन भितर सरली.

गाडयेचो चालक बेळगांवचो रोहीत कोवडकर, हाका अटक करून न्यायालयांत हाजीर केला. गाडयेचें मोल 10 लाख रुपया आनी सोऱ्याचें मोल 7,22,400 रुपया आसा अशें अधिकाऱ्यांनी सांगलें.