भांगरभूंय | प्रतिनिधी
भांगरभूंय । प्रतिनिधी
बेळगांवः बेळगांवच्या अबकारी अधिकाऱ्यांनी गोंयांतल्यान व्हरतालो तो 224 लीटल सोरो आनी 15 लिटर हुर्राक जप्त केलें. ह्या प्रकरणांत दक्षीण बेळगांवच्या महाद्वार रोड वाठारांतल्या एकल्याक अटक केल्या
गोंयांतल्यान सोरो हाडून एका घऱांत ताचो बेकायदेशीर साठो करून दवोरतात अशी गुपीत म्हायती अबकारी अधिकाऱ्यांक मेळल्ली. ताणे त्या घराचेर छापो घातलो आनी सोरो जप्त केलो. मंजुनाथ मालगौडा हाका ह्या प्रकरणांत अटक केल्या. महाद्वार रोड वाठारांत आशिल्ल्या सोरो दवोरल्ल्या घराचो धनी सुभाष सुदीर डे (43, बंगाल) हाच्याय आड अबकारी अधिकाऱ्यांनी कागाळ नोंद केल्या.
लोकसभा वेंचणुकेचे फाटभुंयेर गोंयांतल्यान कर्नाटकांत ल्हिपचोरयां वेगवेगळ्या तरेचो सोरो हाडपाचे प्रकार सध्या वाडल्यात. ताका लागून अबकारी अधिकारी तशेंच येरादारी खात्याच्या अधिकाऱ्या वतीन शीम वाठारांत दरेका वाहनाची तपासणी सुरू केल्या. मात रान वाठारांतल्यान सोरो हाडून ताचो साठो करपाची नवी पद्दत सोरो हाडटल्यांनी सुरू केल्या हे आतां दिसून आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.