भांगरभूंय | प्रतिनिधी
पणजी: फाटल्या कांय दिसा सावन पावसाचेर सांवार आयिल्लो. थारनासतना पावस वोत्तालो. ताका लागून गोंयच्या जायत्या सुवातांनी हुंवाराचें वातावरण निर्माण जाल्लें. तशेंच खुबशे कडेन पालसणां, झाडां कोसळ्ळीं. ह्या घडणुकांनी जायत्या जाणांनी आपलो जिवूय होगडायलो. आयज पावसान विसव घेतला. तरी कांय कडेन रस्त्यांचेर कोसळिल्लीं पालसणां कुशीक काडपाचें काम संबंदीत खात्यान हातांत घेवंक ना. बेती गुरुद्वारा लागसार अशींच पालसणां कोसळ्ळ्यांत. हे घडणुकेक सात दीस हुपून गेल्यात.
हे विशीं चड म्हायती प्रमाण, बेती गुरुद्वारा लागसरा पालसणां कोसळ्ळ्यां. हो रस्तो गुरुद्वारा कडल्यान पर्वरे वता. हांगा पालसणां सयत आयिल्ली माती आनी झाडां रस्त्यार आयल्यांत. ताका लागून अर्दो रस्तो मातये पोंदा गेला. वाहन चालकांक हांगच्यान वतना बरेच त्रास सोंसचे पडटात. सात दीस हुपून गेले तरी हाचे कडेन कोणूच लक्ष दिनात. संबंदीत खात्यान ही माती कुशीक काडची अशी मागणी थळावे करतात.
मजगतीं, बेती ते पर्वरी रस्त्या कुशीक आशिल्लो दोंगर धोको निर्माण करता. हांगच्यान जायते लोक यो -वच करतात. हांगा आनीकूय पालसणां कोसळपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
