भांगरभूंय | प्रतिनिधी
बेगूसराय: बेगूसराय हांगा एके २८ वर्सां पिरायेचे बायलेचेर ५ तरणाट्यांनी सामुहीक बलात्कार केलो. ह्या वेळार आरोपींनी तिच्या गुप्त आंगांत काडतूस, फातर आनी लाकूड घालें. तशेंच ब्लेडीन थंय आनी छातयेर वार केल्लो. हाका लागून ती बेशुद्ध जाली. उपरांत आरोपी थंयच्यान पळून गेले. तीन म्हयन्यां पयलींय हे बायलेचेर बलात्कार जाल्लो.
हे विशीं चड म्हायती प्रमाण, ११ जुनाचे राती कडेन बायल टॉयलेटी खातीर घरांतल्यान भायर सरिल्ली. ह्या वेळार आरोपींनी ते बायलेक धरून आनी आड्डुपाचो आवाज येवचो न्हय म्हणून तिच्या तोंडाक साडी बांदली. उपरांत आरोपींनी तिचेर बलात्कार केलो.
पिडेस्ताच्या घोवान १२ जुनाक उपचारा खातीर तिका हॉस्पिटलांत दाखल केली आनी चकिया पुलीस स्टेशनांत घडणुकेची म्हायती दिली. उपरांत पुलिसांनी हॉस्पिटलांत वचून तपासणी केली. मागीर तिका हॉस्पिटलांतल्यान डिस्चार्ज दिलो. वैजकी तपासणी केले उपरांत गुन्यांव दाखल केलो. १३ जुनाक वैजकी अहवालांत बलात्काराची पुश्टी जाली, मात पुलिसांनी मारपेटाचो गुन्यांव दाखल केलो.
घडणुके उपरांत बायलेचे गुप्तांग सेगीत दुखपाक लागलें. उपरांत तिका परत हॉस्पिटलांत दाखल केली. दोतोरांनी तिच्या गुप्तांगांतल्यान काडतूस, फातर आनी लाकूड काडलें. आतां एसपी आनी डीएसपी हांणी हॉस्पिटलांत पावन ह्या प्रकरणाचो तपास सुरू केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
