बेकायदो बास्केट नुस्तेमारी बंद करची

चिखले वरेग आयलँडा लागसार जुवारी न्हंयेंत बेकायदो बास्केट नुस्तेमारी करतना बिगर गोंयकार. (मिलिंद काकोडकार)

भांगरभूंय | प्रतिनिधी

गोंयचो रापणकारांचो एकवोट संघटणेची मागणी

भांगरभूंय । प्रतिनिधी

मुरगांवः चिखले वरेग आयलँडा लागसार जुवारी न्हंयेंत बेकायदो बास्केट नुस्तेमारी करप्यांचेर ताकतिकेन कारवाय करची, अशी मागणी गोंयचो रापणकारांचो एकवोट संघटणेन मागणी केल्या.

ही बेकायदो नुस्तेमारी, नुस्तेमार नाशिल्ल्या थलांतरीत समाजा वतीन करतात. तांचे कडेन नोंदणी केल्लीं नुस्तेमारीचीं उपकरणां नात. नुस्तें वेवसाय विभागान गोंयांतल्या न्हंयांनी अशी नुस्तेमारी करप्यांचीं सगलीं उपकरणां जप्त करचीं, अशी मागणी गोंयचो रापणकारांचो एकवट संघटणेचे सचीव ओलेन्सियो सिमोईश हांणी केल्या.

गोंयांत सध्या 61 दिसां खातीर नुस्तेमारीक बंदी आसा. ह्या बंदी काळांत अजून लेगीत वेळसांव खोल दर्यांत नुस्तेमारी चालू आसा. हें गोंयचो रापणकारांचो एकवटच्या वांगड्यांनी फाटल्या सप्तकांत नुस्तें वेवसाय विभागाचे नदरेक हाडून दिल्लें. मजगतीं, चिखली ते सांकवाळ हे खाडयेंत चिखली जुवारी न्हंयेर वरेग आयलँडाचेर बिगर गोंयकार जे नुस्तेमार न्हय ते बेकायदो बास्केट नुस्तेमारी करतात. तांचेर कायदेशीर कारवाय करची, अशी मागणी गोंयचो रापणकारांचो एकवटान केल्या.