भांगरभूंय | प्रतिनिधी
पर्वरी आनी कळंगूट येरादारी पुलिसांची कारवाय
म्हापशेंः पर्वरी आनी कळंगूट येरादारी पुलिसांनी विना बॅच पर्यटक टॅक्सी चोवपी वाहनां आड मोहीम राबोवन दोगां चालकांक धरले आनी तांचेर दंडात्मक कारवाय केली.
मंगळारा अचकीत येरादारी पुलिसांनी ही मोहीम राबयली.दोनूय पुलीस स्टेशनाचे हद्दींत प्रवास करपी पर्यटक टॅक्सींक आडावन वाहन चालकांचो येरादारी खात्यान दिल्लो टॅक्सी चालक बॅच तपासलो.
ह्या वेळार दोनूय पुलिसांनी दरेका एका टॅक्सी चालका कडेन बॅच नाशिल्ल्याचें दिसून आयलें. ह्या टॅक्सी चालकां सयत संबंदीत वाहन धनयाचेर पुलिसांनी दंडात्मक कारवाय केली.
मजगतीं, येरादारी पुलिसां वतीन राज्यभर मोहीम राबोवपाचे आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
