भांगरभूंय | प्रतिनिधी
मुझफ्फरपूर: बिहारांतल्या मुझफ्फरपुरांत एका खाजगी हॉस्पिटलाच्या आयसीयूंत उजो लागिल्ल्यान ४ जाणांक मरण. जाल्यार २० परस चड लोक लासले. हो अपघात बुधवारा रातच्या सुमार ३ वरांचेर घडलो.
उजो लागले उपरांत रोखडेच उजो पालोवपी दळाचे जवान थंय पावले आनी तांणी उज्याचेर नियंत्रण हाडलें. थळाव्यांच्या मता प्रमाण हो मरण आयिल्ल्यांचो आंकडो वाडपाक शकता.
आयसीयू वॉर्ड पांचवे माळयेर आसा, हाका लागून रेस्न्यू ऑपरेशनाक आडमेळीं आयलीं. उजो पालोवपी दळाच्या जवानांनी आयसीयू आनी हेर वॉर्डांत आडकल्ल्या दुयेतींक जनेलां आनी दारां मोडून भायर काडले.
घडणुके वेळार हांगां हाजीर आशिल्ल्या लोकांच्या म्हणण्या प्रमाण, उजो लागले उपरांत वेळार उदकाची वेवस्था केल्ली जाल्यार मरण आयिल्ल्यांचो आंकडो उणो जावपाचो.
हो उजो लागपाचें नेमकें कारण आजूनय स्पश्ट जावंक ना. पुलीस हे विशीं तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
