भांगरभूंय | प्रतिनिधी
दिवचले, प्रतिनिधी : राज्यांतल्या बिराडकारांनी आपली म्हायती पुलिसांक दिवपा खातीरचो निमाणो दीस आयज. जांणी आजूनय आपलें नांव नोंद करूंक ना तांणी ह्या चार दिसांनी स्वता पुलीस स्टेशनाचेर वचून आपली नोंदणी करची. हाचे उपरांत हे विशीं खर कारवाय करतले, अशें मुख्यमंत्री डॉ. प्रमोद सावंत हांणी सांखळे सांगलें.
धनी आनी बिराडकारांनी हे विशीं स्वता काळजी घेवप गरजेचें. हें दोगांयच्या हिताचें आशिल्ल्यान, परकी राज्यांतल्यान येवपी व्यक्ती कोण, हाची पुराय म्हायती आनी तपशील धनया कडेन तशेंच पुलीस स्टेशनाचेर आसप गरजेचें. हेच फाटभूंयेर ही मोहीम राबयल्या. मात आजून जांणी नोंदणी करूंक ना तांणी स्वता पुलीस स्टेशनाचेर वचून नोंदणी करची असो उलो मुख्यमंत्र्यांनी मारलो.
जायते फावट बिराडाक रावप्यां कडल्यानूच खून, फटींगपणां, चोरी करप असल्यो घडणुको घडल्यात. ताका लागून सरकारान खर भुमिका घेतल्या. नोंदणी शंभर टक्के सक्तीची केल्ल्याचेंय मुख्यमंत्र्यानी ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
