भांगरभूंय | प्रतिनिधी
फांटल्या 24 वरांत फकत वाळपय वाठारांतूच 6.2 मीमी पावसाची नोंद
बुधवार मेरेन गडगड मारून पावस पडपाची शिटकावणी
पणजी, प्रतिनिधी : राज्यांत बुधवार मेरेन गडगड मारून पावस पडटलो, असो अदमास हवामान खात्यान उक्तायला. सेगीत दोन दीस पडिल्ल्या पावसाक लागून 1 मार्च उपरांतच्या बिगरमोसमी पावसाचें प्रमाण सरासरी परस 105 टक्के चड जालां. हवामान बदलाक लागून राज्यात सध्या दमट वातावरण आसा. राज्यांत आतां मेरेन 36.3 मिमी बिगरमोसमी पावसाची नोंद जाल्या.
शेनवार उपरांत आयतारा पसून गडगडाटा सयत पावस पडलो. सत्तरी आनी पेडणें म्हालांत पावसाचें प्रमाण चड आशिल्लें. पावस सगळ्या वाठारांनी पडलो तरी फकत वाळपय वाठारात 6.2 मीमी पावसाची नोंद जाल्या. पेडणें, सांखळे आनी हेर वाठारांनी पावसाची नोंदुच जावंक ना. शेनवारच्या तुळेत आयतारा पावसाचें प्रमाण उणें आशिल्लें. पावसाचें प्रमाण उणें आसलें तरी वारो आनी गडगडो चड आशिल्लो. हाका लागून सत्तरी आनी पेडणें वाठारांत झाडां पडून लुकसाण जालें.
सोमारा अदींमदीं वत पडटालें तरी दमट जातालीच. बुधवार 15 मे मेरेन गडगडो मारून पावस पडपाचो अदमास आसा.
बिगरमोसमी पावसाचें प्रमाण (1 मार्च उपरांत सावन) फोंड्यां सगळ्यांत चड 104.8 मीमी (4.12 इंच) आसा. हाचे फांटोफाट पणजे 95.8 मीमी (3.77 इंच) पावसाची नोंद जाल्या.
आता मेरेनचो (1 मार्च उपरांतचो) बिगरमोसमी पावस (मीमी)
पेडणे – 5.2
फोंडा – 104.8
पणजी – 95.8
पोरणे गोंय – 76.8
साखळी – 9.0
वाळपय – 64.9
काणकोण – 3.6
दाबोळी – 31.6
मडगाव – 06.3
मुरगाव – 40.4
केपें – 35.0
सांगें – 26.4
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
