भांगरभूंय | प्रतिनिधी
फोंडें, प्रतिनिधी ः सदर-फोंड्यांच्या बालाजी एंटरप्रायझेसांत 28 जुलयाक रातच्या 10 उपरांत 72,256 रुपया रोख चोरी केल्ल्या प्रकरणांत पुलिसांनी अफ्रान मंजूर भाटकार (25, बायना – वास्को) हाका अटक केली.
पुलिसांनी दिल्ले म्हायती प्रमाण, दुबावितान रातच्या वेळार दुकानांत भितर सरून रोख रक्कम चोरली. ते उपरांत दुकानाचो धनी राहुल दालमिया हांणी मंगळारा पुलीस स्टेशनांत कागाळ दाखल केली. निरीक्षक तुषार लोटलीकार हांच्या मार्गदर्शना खाला उपनिरिक्षक कृष्णा गावस हांणी चवकशी करून मंगळारा रातीं उसरां दुबाविताक अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
