भांगरभूंय | प्रतिनिधी
पणजी, बातमीदार ः फाटले २८ फेब्रुवारी ते १८ मार्च मेरेन घेतिल्ल्या बारावेचे परीक्षेचो निकाल फाल्यां आयतारा २१ वेर सांजवेळा ५ वरांचेर शालांत मंडळाचेर अध्यक्ष भागिरथ जी. शेट्ये निकाल जाहीर करतले.
अंदूं २० केंद्रांनी वट्ट १७,९८७ विद्यार्थी परिक्षेक बसिल्ले. हातूंत ८,५५० चले आनी ९,४३७ चलयांचो आसपाव आशिल्लो.
हातूंत कला फाट्यांतले १३७९ चले आनी २९३० चलयो मेळून ४,३०९; वाणिज्य फाट्यांतले २८४१ चले आनी २४७९ चलयो मेळून ५,३२०; विज्ञान फाट्यांतले २६१६ चले आनी ३२६७ चलयो मेळून ५,८८३; वेवसायीक फाट्यांतल्यान १७१४ चले आनी ७६१ चलयो मेळून २४७५ विद्यार्थी हे परिक्षेक बशिल्ले.
मजगतीं, फाटल्या वर्सा १९ हजार ३७७ विद्यार्थ्यांनी परीक्षा दिल्ली. तांतले १८ हजार ४७९ विद्यार्थी पास जाल्ले. फाटल्या वर्सा ९५.४६ टक्के निकाल लागिल्लो.
बारावेचो निकाल www.gbshse.in आनी http://results.gbshsegoa.net/#/ ह्या संकेतथळार उपलब्ध आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
