भांगरभूंय | प्रतिनिधी
पणजी, प्रतिनिधी : बारावी यत्तेच्या विद्यार्थ्यां खातीरची पुरवणी परिक्षा फाल्यां सोमार (27 मे) सावन सुरू जातली. कला, वाणिज्य, विज्ञान आनी वेवसायिक ह्या सगळ्या फाट्यां खातीर ही पुरवणी परिक्षा जातली. पयलीं ती 16 मेक सुरू जावपाची आशिल्ली. बिटसॅट, जेईई अॅडवान्स ह्या प्रवेश परिक्षांक लागून शालान्त मंडळान ती फुडें धुकलपाचा निर्णय घेतलो.
एक वा दोन विशयांत नापास जाल्ल्या विद्यार्थ्यां खातीर पुरवणी परिक्षा घेता. फाल्या इकोनोमिक्स विशयाचो पेपर आसतलो. वेवसायिक शाखेच्या विद्यार्थ्यां खातीर फाल्या इंग्लीश कम्युनिकेशन स्कील्स हो पेपर आसतलो. कला, वाणिज्य आनी विज्ञान फाट्यां खातीर 7 जुनाक निमणो पेपर आसतलो. वेवसायिक फाट्याच्या विद्यार्थ्यां खातीर 1 जुनाक निमणो पेपर आसतलो. सगळे पेपर सकाळी 9.30 वराचेर सुरू जातले. एखाद्या दिसा भौशिक सुटी जाहीर जाली, तरी सुद्दा पेपर फुडें धुकलचे नात, अशें शालान्त मंंडळान कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
