भांगरभूंय | प्रतिनिधी
इस्रोच्या चंद्रयान पंगडाचो विज्ञान संघ पुरस्कारान भोवमान
नवी दिल्ली, खबरां संस्था ः राष्ट्रपती द्रौपदी मुर्मू हांणी बिरेस्तारा, 22 ऑगस्टाक 33 जाणांक राष्ट्रीय विज्ञान पुरस्कार दिवन भोवमान केलो. हो सुवाळो राष्ट्रपती भवनांत जालो. बायोकेमिस्ट गोविंदराजन पद्मनाभन हांकां विज्ञानाच्या मळार ताणी केल्ल्या योगदाना खातीर विज्ञान रत्न पुरस्कार भेटयलो. ते भायर इस्रोच्या चंद्रयान पंगडाचो विज्ञान संघ पुरस्कार दिवन भोवमान केलो.
केंद्र सरकारान जानेवारींत पद्म पुरस्काराच्या मळार राष्ट्रीय विज्ञान पुरस्कार सुरू केल्लो. अंदूंच्या 33 पुरस्कार जैतिवंताच्या वळेरेंत 18 ‘विज्ञान युवा शांति स्वरूप भटनागर’ पुरस्कार आनी 13 ‘विज्ञान श्री’ पुरस्कार आसपावीत आसात. विज्ञान आनी तंत्रगिन्यानाच्या मळार बरी कामगिरी आनी योगदानाची वळख करून दिवपा खातीर ‘विज्ञान रत्न पुरस्कार’ दितात, जाल्यार विशेश योगदाना खातीर ‘विज्ञान श्री पुरस्कार’ दितात.
विज्ञान श्री पुरस्कारा खातीर वेंचून आयिल्ल्या मदीं आनंदरामकृष्णन सी, उमेश वार्ष्णेय, भीम सिंग, आदिमूर्ती आदि, सय्यद वाजिह अहमद नक्वी, संजय बिहारी आनी राहुल मुखर्जी हांचो आस्पाव आसा. जाल्यार विज्ञान युवा पुरस्कारा खातीर डॉ. बप्पी पॉल, डॉ. अभिलाष, राधाकृष्णन महालक्ष्मी, पूरबी सैकिया, दिगेंद्रनाथ स्वेन, प्रभू राजगोपाल आनी प्रशांत कुमार हांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
