भांगरभूंय | प्रतिनिधी
भांगरभूंय । खबरां मेज
पणजीः दरेक बायल ही अश्टभूजा देवी सारकी आसता. ती घरांतलें सगळें काम करता, नोकरी करता. आपलें व्यक्तिमत्वाची जपणूक करून ती ही सगळी कसरत करता. तातूंत तिचें नवदुर्गेची णव रुपां दिसतात. वेळ आयल्यार दुर्गा, कालीमाता, रणचंडी जावंन कुटूंबाचेर येवपी संकश्टां कडेन ती दोन हात करता, अशें लेखिका रजनी रायकार हिणे सांगलें.
गोमंतक साहित्य सेवक मंडळान आयोजीत केल्ले रंगदामिनी कार्यावळींत मुखेल सोयरी म्हणून रायकार उलयताली. ह्या वेळार माचयेर मंडळाचो अध्यक्ष रमेश वसंकार, विठ्ठल गांवस, सुहास बेळेकर, चित्रा क्षीरसागर, राजमोहन शेट्ये, पूर्णिमा देसाय आशिल्ली. रजनी रायकाराचे हस्तुकीं दिवली पेटोवन कार्यावळीक सुरवात केली.
ह्या वेळार प्रकाश तळवडेकार, हेमंत खांडेपारकार, कविता आमोणकार, शर्मिला प्रभू, डॉ आरती दिनकर, प्रकाश क्षीरसागर, विनोद नायक, मेघना कुरूंदवाडकर, सुनिता शाह, रेखा पौडवाल, सुभाष शाह, शीला काकोडकार, भारती वसंकार हांणी कविता, कथा, लावणी. फुगड्यो सादर करून कार्यावळ फुलयली. सुरवेक रमेस वसंकारान सगळ्यांक येवकार दिलो आनी चित्रा क्षीरसागरान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
