भांगरभूंय | प्रतिनिधी
पिवपाचें पिशें फकत दादल्यां मदींच न्हय तर बायलां मदींय आसता. बायलो व्हड प्रमाणांत सोरो पियेतात, जे तांच्या भलायकेक हानीकारक थारता. चड सोरो पियेवपी लोकांक ताचे दुश्परिणाम भोगचे पडटात. भलायकी तज्ञांच्या म्हणण्या प्रमाण सोरो पियेवप हें बायलांच्या भलायके खातीर सुरक्षीत मानना. कारण बायलो सोरो पियेल्यार ताचे भलायकेचेर जायते परिणाम जावपाक शकता.
१. स्तनाच्या कॅन्सराचो धोको वाडूंक शकता
बदलत्या जिणेपद्दतीक लागून बायलांनी सगळ्यांत चड सोरो पियेवंक सुरवात केल्या. अशे परिस्थितींत सोरो पियेवपी बायलांमदीं स्तनाच्या कॅन्सराचो धोको चड आसता. जर्नल ऑफ द अमेरिकन मेडिकल असोसिएशनांत हालींच उजवाडाक आयिल्ल्या एका अभ्यासा प्रमाण बायलो सप्तकांतल्यान उण्यांत उणें तीन ते स फावटीं सोरो पियेतात. ताका लागून स्तनाच्या कॅन्सराचो धोको चड वाडटा.
२. मोटसाणाची समस्या
बायलांनी चड सोरो पियेल्यार मोटसाण वाडूंक शकता. देखून सदांच मर्यादीत प्रमाणांत सोरो पियेवचो.
३. गोडेंमूत वाडूंक शकता
पिवपी बायलांक गोडेंमूत जावपाचो चड धोको आसता. तुमकां पयलींच गोडेंमूत आसल्यार सोरो पियेवप तुमचे खातीर चड धोक्याचे थरुंक शकता. अशें परिस्थितींत सोरो पियेवपी बायलांक गोडेंमूत आनी मानसीक ताण अशो दोनूय समस्या जावंक शकतात.
४. गर्भपात जावपाचो धोको
सोरो पियेवपी बायलांक गर्भपात जावपाचो धोको चड आसता. गुरवारपणांत बायल सोरो पियेल्यार ताचो वायट परिणाम तिच्या गर्भांतल्या भुरग्याक जावं येता आनी केन्ना केन्नाय गर्भपात जावं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
