भांगरभूंय | प्रतिनिधी
भांगरभूंय । प्रतिनिधी
वास्कोः बायणा हांगच्या अंजुमन हिमायातुल इल्साम हायस्कुलाचो संस्थापक दीस व्हडा उमेदीन मनयलो. ह्या वेळार स्कुलाच्या स्पेक्ट्रा 2024 ह्या शालेय म्हयनाळ्याच्या पांचव्या आवृत्तीचें प्रकाशन जालें. कार्यावळीक मुखेल सोयरो म्हणून पद्मश्री पुरस्कार फावो जाल्लें संजय पाटील, खासा सोयरी म्हणून सडा हांगच्या दीप विहार उच्च माध्यमीक विद्यालयाची आदली प्राचार्च व्हिक्टोरिया डिलिमा, हमदर्द एज्युकेशनल सोसायटीचे अध्यक्ष अजीम मोहिद्दीन, वेवस्थापकीय समितीचे अध्यक्ष इक्बाल मोहिद्दीन आनी शाळेचे वेवस्थापक नजीर सयय्द हाजीर आशिल्ले.
कार्यावळीची सुरवात प्राथमीक विभागांतल्या विद्यार्थ्यांनी सादर केल्ल्या येवकार गीतान आमी माध्यमीक विद्यार्थ्यांनी सादर केल्ले सांस्कृतीक कार्यावळीन जाली. मुख्याध्यापक एम पी दाभोलकार हांणी 2023-24 वर्साच्या शिक्षणीक वर्सा हायस्कुलाचे कामगिरीचेर उजवाड घालपी वर्सुकी शालेय अहवाल सादर केलो. इक्बाल मोहिद्ददीन हांणी शिक्षकांक शिकोवपाची पद्दत आनी कुशळताय सुदारपाचें आवाहन केलें. विद्यार्थ्यांनी स्मार्ट आनी येसस्वी जावपा खातीर तांच्या स्मार्ट फोनाचो वापर विवेकबुद्दीन करपाचो सल्लो दिलो.
संजय पाटील हांमी कृशी मळांतले नवे सोद आनी विद्यार्थ्यांनी ताचो फायदो कसो घेवचो हाचेर उजवाड घातलो. व्हिक्टोरिया डिलिमा हिणे पालकांक भुरग्यां कडेन इश्टागतीचे संबंद दवोरपाचो सल्लो दितना तांच्या इश्ट मंडळीचेर नदर दवोरात अशें सांगलें. फरजाना खान, सुषमा शेटगांवका हाणी सूत्रसंचालन केलें. ज्ञानेश सांगगावकारा निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
