भांगरभूंय | प्रतिनिधी
पोटवेंचणूक : सेगीत पाचव्या दिसा मेरेन एकूय उमेदवारी अर्ज ना
पणजी, प्रतिनिधी : बाणावले जिल्हो पंचायत पोटवेंचणुके खातीर आम आदमी पक्षान जोसेफ गॅब्रिएल पिमेंता हांकां उमेदवारी जाहीर केल्या. आपाचे मुखेली अॅड. अमित पालेकार हांणी पत्रकार परिशदेंत तांच्या नांवाची घोशणा केली. जोसेफ गॅब्रिएल पिमेंता हे इंडिया आघाडीचे उमेदवार आसतले, अशें तांणी जाहीर केलें.
मजगतीं, पोटवेंचणुके खातीर सोमारा सेगीत पांचव्या दिसाय एकूय उमेदवारी अर्ज दाखल जावंक ना. १२ जून मेरेन उमेदवारी अर्ज सादर करपाची मुजत आसा. बाणावले जिल्हो पंचायती खातीर २३ जुनाक मतदान जातलें. बाणावले पंचायत पोटवेंचणुके सयत विवीध पंचायतींच्या १० वॉर्डां खातीर २३ जुनाक मतदान जातलें. राज्य वेंचणूक आयोगान पोंटवेंचणुकेची सविस्तर कार्यावळ जाहीर केल्या. पंचायतीच्या १० प्रभागां खातीर सोमारा ७ उमेदवारी अर्ज दाखल जाले. आतां मेरेन पंचायत पोटवेंचणुके खातीर वट्ट १४ अर्ज दाखल जाल्यात.
बाणावले मतदारसंघांतले आपाचे उमेदवार हेंजल रॉड्रिग्ज हे अपात्र थारिल्ल्यान ह्या मतदारसंघा खातीर पोटवेंचणूक जातली. १२ जून मेरेन उमेदवारी अर्ज सादर करपाची मुजत आसा. १३ जुनाक अर्जांची छाननी जातली. जाल्यार १४ जून ही अर्ज फांटी घेवपाची तारीख आसा. २४ जुनाक निकाल जाहीर जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
