भांगरभूंय | प्रतिनिधी
मडगांव: पेडा बाणावले विश्वनाथ सिधनलच्या खून प्रकरणांत कोलवें पुलिसांनी घडणूक थळा वेल्यान खुना खातीर वापरिल्लें फावडें जप्त केलें.
पेडा बाणावले विश्वनाथ सिधनल (35, रा. लोंढा कर्नाटक) हाचो खून जाल्लो. सीसीटीव्ही फुटेज आनी हेर पुराव्याच्या माध्यमांतल्यान कोलवें पुलिसांनी मरण आयिल्लो विश्वनाथ हाची घरकान्न वैभवी उर्फ मंगल सिधनल हिका कोलवें पुलिसांनी अटक केल्ली.
मोगाच्या संबंदांत आडखळ थारीत आशिल्ल्यान घोवाक प्रियकराचे मजतीन मारिल्ल्याचें तिणें सांगलें उपरांत दुबावीत सूरज मायगेरी (कडोली, बेळगांव) हाकाय कर्नाटकांतल्यान अटक केल्ली.
ह्या प्रकरणांत खुना खातीर वापरिल्लें हत्यार कोलवें पुलिसांक मेळूंक नाशिल्लें. दुबाविताचे चवकशी वेळार खुना खातीर वापरिल्लें फावडें जप्त करपाक कोलवें पुलिसांक येस आयलें. दोनूय दुबावीत सद्या पुलीस कोठयेंत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
