बाणावलीच्या ताज एक्झोटिकांत आयज आनी फाल्यां सारस्वत फूड फेस्टिव्हल

भांगरभूंय | प्रतिनिधी

पणजी, बातमीदार ः बाणावलीच्या ताज एक्झोटिका अॅण्ड स्पा हांगा आयज आनी फाल्यां म्हळ्यार 27 आनी 28 एप्रीलाक सारस्वत फूड फेस्टिव्हलाचें आयोजन केलां. ह्या फूड फेस्टिव्हलांत नामनेची शेफ शुभ्रा शंखवाळकार हांणी तयार केल्ल्या वेगवेगळ्या पदार्थांची रुच घेवपाक मेळटली. हो फेस्टिव्हल दोनूय दिसा दनपारां 12.30 ते 3 आनी सांजवेळार 7 ते रातचो 11 मजगतीं चालू आसतलो.
शेफ शुभ्रा आपली जेवण करपा कडेन आशिल्ली आवड दाखोवपाची एकूय संद सोडना. ह्या फेस्टिवलांत गेस्टांक हंगामी खाणां-जेवणां दितले, तातूंत ताजो कोकम फळांनी kokum fruit (not the dried rind) तयार केल्लें सरबत आसतलें. तशेंच सरबता भशेन हेर हंगामी खाणाय आसतलीं. सुंगटांची कडी (Prawn Curry) आनी चिकन शागुती (Chicken Xacutti) सारकिल्ल्या सगळे कडेन आशिल्लीं लोकप्रिय खाणां सोडल्यार काजूंची शाक आनी तोरांनी तयार केल्ली तोराची उड्डामेथी सारकिल्या हंगामी खाणांकय ह्या मेनूंत सुवात दिल्या.

शेफ शुभ्रा म्हणटा, सुंगटांची कडी करपाची आमची एक वेगळींच पध्दत आसा. आमच्या जेवणांत खाशेली सामुग्री आसता देखीक, काजूच्या फळान रुचीक शाक वा कडी तयार करूं येता, हें जायत्या जाणांक खबर ना. सारस्वत शैलींतली सुंगटांची कडी लेगीत सादारणपणान मेळपी कडये परस सामकी वेगळी आसता. ह्या कडयेची रिसेपी म्हजे सासूमायन तयार केल्ली, जी आतां हांव मुखार व्हरता आनी तिगोवन दवरता. कडी करतना तांतूत काजू, गोडसाण, सोलां, कोकम, तोरा आदि वापरतात. देखून कडी खूब रुचीक लागता. तेच बरोबर जेवतना ही कडी शीत आनी ते बरोबर लोणचे आनी पापड खाल्यार ताची एक वेगळीच चव लागता अशेंय शेफ शुभ्रा सांगता.
ह्या सारस्वत फूड फेस्टिव्हलान नांव नोंदणी करपा खातीर ह्या 9910081259 नंबराचेर संपर्क करचो अशें कळींत केला.