भांगरभूंय | प्रतिनिधी
पणजी, बातमीदार : फाटल्या सप्तकाचे तुळेंत सोमारा पणजे बाजारांत २४० रुपया किल आशिल्ले वालपापडेचो दर २०० रुपया जालो. तसो आयज पणजे बाजारांत भाजयांचो दर मात्सो हालिल्लो दिसलो. मिरसांग, शिमला मिरची, शेंगो, वाल आजुनय शंभरा वयर आसात.
पणजे बाजारांत व्हडलो लिंबू १० रु. जाल्यार बारीक लिंबू ८ रुपया एक अश्या दरान विकतात. जाल्यार कोथमिरीची चुडी २५ ते ३० रुपयांनी विकतात. मिरसांग आनी शिमला मिरची दरेकी १२० रु. किल दरान विकताले. वाल १०० रु. जाल्यार शेंगांचो दर १०० ते १२० रुपया किल आशिल्लो. भेंडे, घोसाळें, काराथें दरेकी ८० रु. किल आशिल्लीं. वांगी, गवार, गाजराचो दर दरेकी ६० रु. किल. तवशें ५० रु. किल जाल्यार दुदी ५० रुपयांक एक दरान विकताले. मेथी २५ ते ३० रु., शेपू २० रु. जाल्यार पालक १० रुपयाक एक चुडी आशिल्लो. फ्लॉवर ४० रु., जाल्यार कोबी ३५ रुपया किल ह्या दरान पणजे विकताले. तशेंच कांदो, बटाट ४० रुपया किल आशिल्ले. टोमॅटोचो दर १० रुपयांनी उणो जावन ३० रुपया जाल्लो. आल्याचो दर वाडून २४० रुपया जाल्यार लसूण ३२० रुपया किल आशिल्लो.
फलोत्पादन मंडळाच्या गाड्यांचेर कांदो ३० रु., टोमॅटो २७ रु. जाल्यार बटाट ३८ रुपया किल आशिल्लो. जाल्यार भेंडे २० रु., कोबी २८ रु., गाजर ४२ रु., वालपापडी १७५ रु., मिरची ६४ रुपया किल दरान विकताले. फ्लॉवरचो दर ३० रुपयांनी आशिल्लो.
पणजे बाजारांत मानकुराद आंबो येवप जरी वाडलो तरी ताचो दर मात देंवना. तो तसोच आसा. मध्यम आकाराचे मानकुराद आंबे ६०० ते ८०० रुपया जाल्यार व्हडले मानकुराद आंबे देड हजार रुपया डझन विकतात. जाल्यार हापूस आंबो ५०० ते ७०० रुपया डझन आशिल्लो. फाटल्या काय दिसांनी आंब्याचो दर परत वाडलो. सोमारा बाजारांत तांतयांचो दर ७५ ते ८० रुपया डझन आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
