भांगरभूंय | प्रतिनिधी
पणजी ः बांबोळे राश्ट्रीय म्हामार्गाचेर आयज सकाळीं सुमार 8.30 वरांचेर ट्रक उमथलो. ट्रकांत आडकून उरिल्ल्या ड्रायव्हराक उजो पालोवपी दळान भायर काडलो. ड्रायव्हराक कांय जावंक ना. ट्रक ड्रायव्हर दिनेश हांणे दिल्ले म्हायती प्रमाण एका मोटरीन ट्रकाक धपको दिलो ते उपरांत तेच मोटारीक वाटोपाचे यत्नांत ट्रक रस्त्या कुशीक गेलो आनी उमथलो.
ह्या ट्रकांत वॉशिंग मशीन, एसी सारकिल्लीं उपकरणां आसात आनी हो सगळो म्हाल दिल्लीक व्हरतालो. उल्लेख केल्ल्या ट्रकात ड्रायव्हर एकलोच आशिल्लो. ह्या अपघातांत ट्रकाचे लुकसाण जालां.
मजगतीं, अपघातांचो आंकडो वाडत आसा. मेळिल्ले म्हायती प्रमाण, जानेवारी 2024 ते ऑक्टोबर 2024 मेरेन ह्या 295 दिसांत 2,098 अपघात आनी 226 अपघाती मरणां नोंद जाल्यांत. दिसाक सरासरी 7 अपघात जाल्यार 31 वरांत एक अपघाती मरण जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
