भांगरभूंय | प्रतिनिधी
फोंडें, प्रतिनिधी: बांदोडेच्या महालक्ष्मी देवळा लागसार चलते स्कुटरीक उजो लागपाची घडणूक बिरेस्तारा दनपरां सुमार ३ वरांचेर घडली. रस्त्यार बंद पडिल्ले दुचाकेची दुरुस्ती करपा खातीर स्कुटर घेवन वचपी मॅकानीक वाटवलो. फोंडें उजो पालोवपी दळाच्या जवानांनी येवन हो उजो पालयलो.
मेळिल्ले म्हायती प्रमाण कुट्टीचे एके गॅरेजींत दुरुस्ती खातीर दवरिल्ली स्कुटर घेवन मॅकानीक आनीक एक दुचाकी दुरुस्त करपा खातीर गावणे – बांदोड्यां वाठारांत वतालो. मात महालक्ष्मी देवळा लागसारा पावतांच स्कुटरीक उजो लागलो. स्कुटर चालकान आनी थळाव्या लोकांनी उजो पालोवपाचो यत्न केलो. मात उजो बगबगपाक लागिल्ल्यान उजो पालोवपी दळाक संपर्क केलो. मात उजो पालोवपी दळाचे जवान हांगा पाव मेरेन ही स्कुटर पुरायेन जळून गोबोर जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
