भांगरभूंय | प्रतिनिधी
भांगरभूंय । खेळां मेज
पणजीः गोंयचे पयले मुख्यमंत्री सर्गेस्त दयानंद बांदोडकार हांणी स्थापन केल्ल्या पणजी जिमखानान गोंय राज्य टॅनीस असोसिएशना वांगडा आयोजीत केल्ली पयली बांदोडकार जिमखाना ओपन टॅनीस सर्त 1 ते 7 एप्रील मजगतीं खेळयतले. सर्तींत वांटो घेवपाची आयज (सोमार 25 मार्च) निमणी तारीख आसा.
सर्तींत उक्त्या गटांत 14 वर्सा पिराये सकयल्ल्यो चलयो आनी चले, 18 वर्सा सकयल्ले चले आनी चलयो, मिश्र दोट्टी, दादले दोट्टी, बायल आनी दादले एकोटीत वांटो घेवपाक शकतात, सिनियर गटांत 45 तें 55 पिराये वयले सर्तक वांटो घेतले. सर्तकांत तीन श्रेणींत वांटो घेवपाक मेकळीक आसा.
गोंयांत लॉन टॅनीस सर्ती विशीं आतां आवड वाडल्या. ह्या खेळाक गोंयांत चड लोकप्रीय करपा खातीर आनी उर्बां दिवपा खातीर ही सर्त आयोजीत केल्या. सर्तींत वांटो घेवपाक बरो प्रतिसद मेळिल्ल्यान आमची उमेद वाडल्या अशें डीबी बांदोडकार समूराचे संचालक समीर काकोडकार हाणे सांगलें. आतां मेरेन 100 सर्तकांनी सर्तींत वांटो घेतला अशें डीबी बांदोडाकर कंपनीचे संचालक आनी बांडोकार हांचो नातू गिरीराज वेंगुर्लेकार हाणे सांगलें, राज्य मानांकन सर्तींत आपली प्रतिभा दाखोवपा खातीर हे सर्तीक लागून टॅनीस खेळगड्यांक संद मेळटली अशें सर्तीचो संचालक दीपक नायकान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
