भांगरभूंय | प्रतिनिधी
येजमान बांगलादेश आनी न्युझिलॅण्ड ह्या पंगडां मदीं आयच्यान माळेंतली दुसरी आनी निमाणी टॅस्ट सुरू जाता. पयली मॅच 150 धांवड्यांनी जिखून बांगलादेश 1-0 असो मुखार आसा. आतां ताची नदर माळ जिखपाचेर आसा.
बांगलादेशाक अजून मेरेन आपल्या परस बळिश्ट आशिल्ल्या झिम्बाब्वे आनी वॅस्ट इंडीज ह्या पंगडां आडूच टॅस्ट माळ जिखप शक्य जालां. बांगलादेश आनी न्युझिलॅण्ड ह्या पंगडां मदीं 18 टॅस्टी जाल्यात. हातूंतल्यो फकत दोन मॅचींनी बांगलादेशाक जैत फावो जालां. पयली टॅस्टींत जैत जोडपाक दुसऱ्या डावांत मुखेली नजमूल हुसैन शांतोचो शेंकडो म्हत्वाचो थारिल्लो. पयले खेपे फुडारपण करतना शेंकडो मारपी नजमूल बांगलादेशाचो पयलो क्रिकेटर थारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
