बांगलादेश अ पंगडाचो डाव 112चेर सोंपलो

भांगरभूंय | प्रतिनिधी

युवा बॉलरांचे अचूक बॉलिंगे नेटार पयले अनधिकृत टॅस्टीच्या पयल्या दिसा भारत अ पंगडान येजमान बांगलादेश अ पंगडाचो पयलो फक्त 112 धांवड्यांचेर सोंपयलो. ते उपरांत प्रत्युत्तर दितना भारत अ पंगडान पयल्या डावांत पयल्या दिसाचो खेळ सोंप मेरेन बिनबाद 120 धांवड्यो केल्ल्यो.

यशस्वी जैसवाल 61 आनी अभिमन्यु ईश्वरन 53 धांवड्यो करून खेळपट्टीचेर आसा. भारत अ पंगडान पयल्या डावाच्या आदाराचेर आठ धांवड्यांची आघाडी घेतल्या.

ते पयलीं भारत अ पंगडाचो मुखेली अभिमन्यु ईश्वरनान टॉस जिखून पयलीं बॉलींग करपाचो निर्णय घेतलो. ताचो निर्णय अचूक थारलो. नवदीप सैनीन बांगलादेशाक एक धांवडेचेर पयली विकेट घेतली. ते उपरांत थारावीक अंतरान विकेटी पडत गेल्यो.