भांगरभूंय | प्रतिनिधी
ठाणे, खबरां संस्था ः बांगलादेशी पॉर्नस्टार रिया उर्फ आरोही बर्डे उर्फ बन्ना शेख भारतांत बेकायदेशीर रावता म्हूण पुलिसांनी अटक केल्या. बनावट भारतीय पासपोर्ट तयार करपा खातीर बनावट कागदपत्रां तयार केल्ल्याचोय तिचेर आरोप आसा. पुलिसांनी तिका अटक करुन तिचे आड भारतीय दंड संहितेच्या कलम 420, 465, 468, 479, 34 आनी 14 अ खाला गुन्यांव नोंद केला.
आरोही बर्डे उर्फ बन्ना शेखान पासपोर्टा खातीर सादर केल्ली कागदपत्रां बनावट आशिल्ल्याचें आयओ-पीएसआय संग्राम मालकार हांणी उजवाडाक हाडलें. मजगतीं, तांणी दिल्ले म्हायती प्रमाण हिल लायन पुलीस स्टेशनाच्या पुलिसांनी ही कारवाय केली. कांय काळा पयलीं तिका वेश्या वेवसाय केल्ल्याच्या आरोपांतय अटक केल्ली. बनावट कागदपत्रांचेर भारतीय पासपोर्ट मेळोवन आरोही आपल्या कुटुंबांतल्या हेर तीन वांगड्या सयत भारतांत रावताली. पुलिस आतां हेरांचो सोद घेतात.
मेळिल्ले म्हायती प्रमाण, आरोही बर्डे हिची आवय अंजली राजाराम पाटील उर्फ रूबी शेख, तिचो भाव रवींद्र अरविंद बर्डे उर्फ रियाज शेख आनी रितू अरविंद बर्डे उर्फ मोनी शेख हांचो पुलीस सोद घेतात. ते भायर पासपोर्ट तयार करपा खातीर बनावट कागदपत्रां तयार केल्ल्या अरविंद श्यामराव बर्डे हाचोय पुलीस सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
