भांगरभूंय | प्रतिनिधी
म्हापशें ः बस्तोडां कोमुनिदाद वेवस्थापन समितीची विल्बर मिनेझिस हांचे अध्यक्षते खाला विरोधाविणें निवड जाली.
ऍटर्नी सिडनी डिसोझा, भांडारी लाझारस फर्नांडीस, उपाध्यक्ष जॉन मोनिझ, उप ऍटर्नी बेंजामिन डिसोझा आनी उप भांडारी क्लिटंन डिसोझा हांचो हे समितींत आसपाव आसा.
ह्या पदां खातीर एकेकूच अर्ज सादर जाले. ताका लागून समितीची विरोधाविणें निवड जाल्ल्याचें वेंचणूक अधिकार्यांनी जाहीर केलें.
बार्देस उपजिल्लोधिकारी कार्यालयाचे अव्वल कारकून केशव भगत हांणी निर्वाचन अधिकारी म्हणून ह्या वेळार काम पळयलें. तांकां कोमुनिदाद इस्किवांव गाब्रियल फर्नांडीस हांणी सहकार्य केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
