भांगरभूंय | प्रतिनिधी
खबरां संस्था
चुंगजूः बलराज पनवारान नौकानयनांत भारता खातीर पयलो ऑलिम्पीक कोटा मेळयलो. पॅरा मिक्स्ड डबल्यांत नारायण कोंगनापल्ले आनी अनिता जोडयेन पॅरीसांत जावपी पॅरा ऑलिम्पिकांतली आपली सुवात निश्चीत केली.
दक्षीण कोरियांतल्या चुंगजू हांगा आयोजीत केल्ल्या आशियाई ऑलिम्पीक पात्रताय फेरयेंत दादल्यांच्या एकोडींत स्कल इव्हेंटांत बलराज तिसरे सुवातेर रावलो. हाका लागून ताणे नौकानयनांत भारताक पयलो ऑलिम्पीक कोटा मेळोवन दिलो. ताणे 2000 मीटर सर्त 7 मिनटां 01.27 सेकंडांत जिखून रुप्या पदक मेळयलें. स्कलांतल्या ह्या इव्हेंटांत पयले पाच खेळगड्यांक ऑलिम्पीक कोटा मेळपाचो आशिल्लो. बलराजान तिसरी सुवात मेळोवन आपलो कोटा निश्चीत केलो.
उज्वल कुमार आनी अरविंद सिंह दादल्यांच्या लायटवेट डबल स्कल्सांत कोटा मेळोपाक शकले नात. भारतानक टोक्यो ऑलिम्पिकांत ह्या इव्हेंटांत वांटो घेतिल्लो. उज्वल आनी अरविंद डबल स्कल्सांत तिसरे सुवातेर उरले आनी तांकां कोटा मेळपाक शकलो ना. नारायण कोंगनापल्ले आनी अनिता जोडयेन पॅरा मिक्ष दोट्टी स्कल इव्हेंटाांत पयली सुवात मेळोवन पॅरीसांत जावपी पॅरा ऑलिम्पीकांत कोटा मेळोवन. हे जोडयेन डबल स्कल पॅरा रोव्हर्सांत 7:50:80 वेळ घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.