भांगरभूंय | प्रतिनिधी
पणजी : हडफडेंच्या बर्च बाय रोमीओ लेन नायटक्लबांतले उज्याचे घडणुकेच्या प्रकरणांत गोंय सरकारान गोंयच्या मुंबय उच्च न्यायालयांत धांव घेतली आनी ह्या प्रकरणांतल्या दुबावितांक मंजूर केल्ली जामीन रद्द करपाची मागणी केली. म्हापशें अतिरिक्त सत्र न्यायालयान दुबावीत सौरभ लुथरा, गौरव लुथरा आनी अजय गुप्ता हांकां दिल्ल्या जामीन आदेशाक राज्य सरकारान उच्च न्यायालयांत आव्हान दिवन ही मागणी केल्या.
हणजूण पुलिसांनी नोंद केल्ल्या उजो दुर्घटना प्रकरणांत बर्च नाईटक्लबाच्या संचालकांक जामीन दिवप योग्य नाशिल्ल्याचें सरकारान आपले याचिकेंत म्हणलां. हे भिरांकूळ घडणुकेंत २५ जाणांक मरण आयिल्ल्यान हें सामकें गंभीर आनी संवेदनशील प्रकरण आशिल्ल्याचो दावो राज्य सरकारान केला.
उच्च न्यायालयान ह्या प्रकरणांत तिगाय दुबावितांक नोटीसो धाडल्यात, फुडली सुनावणी १५ जुनाक निश्चीत केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
