भांगरभूंय | प्रतिनिधी
बायलांचे प्रिमियर लिगेंत काल जाल्ले मॅचींत रॉयल चॅलेंजर्स बंगळुरून गुजरात जायण्ट्साक 8 विकेटींनी हारयलो. रॉयल चॅलेंजर्स बंगळुरूचें हें सेगीत दुसरें जैत थारलें.
बंगळुरूच्या एम चिन्नास्वामी स्टेडियमाचेर जाल्ले मॅचींत रॉयल चॅलेंजर्स बंगळुरून टॉस जिखून पयलीं फिल्डिंग करपाचो निर्णय घेतलो. बॉलरांनी आपल्या मुखेल्याचो निर्णय योग्य थारायतना गुजरात जायण्ट्साचो डाव 20 ओव्हरींनी 7 विकेटी घेवन 107 धांवड्यांचेर आडायलो. सोफी मोलिनक्सान तीन विकेटी घेतल्यो. ते उपरांत रॉयल चॅलेंजर्स बंगळुरून 12.3 ओव्हरींनी फकत 2 विकेटी वगडावन मोख मेळयली.
ह्या जैता सयत बंगळुरूचेर चार गूण जाल्यात आनी तो गुणतकट्यांत पयले सुवातेर पावलो. ताचे आनी मुंबय इंडियन्साचे समान गूण आसात. पूण, रनरेट चड आशिल्ल्यान बंगळुरूक पयली सुवात फावो जाली. गुजरात निमाणे सुवातेर आसा.
गुजराताचो टॉप ऑर्डर पुर्णपणान अपेशी थारलो. ताच्या एकाय बॅटराक व्हड खेळी करपाक जमली ना. दुसरे वटेन मोखीचो फाटलाव करपी बंगळुरून आपल्या डावांत सुवाती सावन आक्रमक बॅटींग केली. सुरवातीच्या पांच ओव्हरींनी ताणें किमान एक चवको मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.