भांगरभूंय | प्रतिनिधी
पणजी : बंगळुरू, कर्नाटकाच्या ‘आर्ट ऑफ लिव्हिंग’ आश्रमाक गोंयचे मुख्यमंत्री डॉ. प्रमोद सावंत हांणी भेट दिली. ह्या सुवातेर आयोजीत केल्ले वैदीक पुजेंत तांणी वाटो घेतलो.
मुख्यमंत्र्यांनी रवी शंकर हांचे आशीर्वाद घेतले. आश्रमांतलें अध्यात्मीक वातावरण, भारतीय संस्कृतींतली शाश्वत परंपरा आनी मुल्यांचो अणभव सामको प्रेरणा दिवपी आशिल्ल्याचें डॉ. सावंत हांणी सांगलें. अशा सकारात्मक वातावरणांत मनाची शांती, आत्मविस्वास आनी भितरल्यान शक्त मेळटा, अशेंय तांणी नमूद केलें. भारताच्या प्राचीन अध्यात्मीक दायजाची राखण आनी प्रसार करपा खातीर ‘आर्ट ऑफ लिव्हिंग’चे कार्य म्हत्वाचें आशिल्ल्याचें डॉ. सावंत हांणी ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
