भांगरभूंय | प्रतिनिधी
फोंडें, प्रतिनिधी: वयलो बाजार, फोंड्यां फाटल्या कितल्याशाच वर्सां सावन चर्चेंत आशिल्ल्या मार्केट प्रकल्पाच्या पांख्याक गळटी लागून उदक सरळ तळ माळयेर येता. पांख्याचो एक पत्रो फुटिल्ल्यान शेनवारा सांजेवेळार पावस कोसळिल्ल्यान तळ माळयेर सगळ्या उदक जालें. ह्या प्रकल्पांतलीं दुकानां आजूनय वाटूंक नाशिल्ल्यान व्हड लुकसाण जावपा पसून वाटवलें. मात फोंडें पोलिकेन मार्केट प्रकल्पाच्या पांख्याची बेगीन दुरुस्ती करची अशी मागणी लोक करतात.
फोंडेंच्या मार्केट प्रकल्पाच्या पांख्याचो पत्रो फुटून पावसाचें सगळे उदक तळ माळयेर आयलां. शेनवारा कोसळिल्ल्या पावसांचे उदक व्हडा प्रमाणांत तळ माळयेर घुसलें. ताका लागून हांगा सगळ्याक उदक जाल्लें पळोवपाक मेळ्ळें. हांगच्या प्रकल्पांतल्या दुकानांची
आजूनय पावणी करूंक नाशिल्ल्यान लुकसाण जावंक ना. मात पांख्याची दुरुस्ती पावसा पयलीं करपाची गरज आसा. ना जाल्यार पावसांत तळ माळयेर उदक भरून उरिल्लें दिसतलें. ताका लागून फोंडें पालिकेन बेगीनूच प्रकल्पाच्या पांख्याची दुरुस्ती करपाची मागणी लोक करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
