भांगरभूंय | प्रतिनिधी
फोंडें, प्रतिनिधी: फोंडेंच्या राजीव गांधी कला मंदिरा लागसार केटीएम दुचाकीचो धपको मंजू हरिजन (३९) हाका बसून तो जखमी जालो. हो अपघात बिरेस्तारा रातच्या ९.३० वरांचेर घडलो. जखमीचेर गोमॅकोंत उपचार सुरू आसात. पुलिसांनी दुचाकी चालक डिओन सांतान पिंटो (२१, पेरीउदक – सावड्डें) हाचे आड गुन्यांव नोंद केला.
मेळिल्ले म्हायती प्रमाण, बिरेस्तारा रातच्या वेळार जीए- ०७- एम- ९४६७ क्रमांकाची केटीएम दुचाकी घेवन डिओन पिंटो हो दाबाळ मार्गान फोंड्यां वतालो. राजीव गांधी कला मंदिरा लागसारच्या रस्त्या वयल्यान चलत वचपी मंजू हरिजन हाका दुचाकीचो धपको बसलो. हातूंत मंजू हो गंभीर जखमी जालो. जखमीक पयलीं १०८ ऍम्बुलन्सींतल्यान उपजिल्हो हॉस्पिटलांत व्हेलो. उपरांत फुडल्या उपचारा खातीर ताका गोमॅकोंत दाखल केलो.
फोंडें पुलिसांनी निश्काळजीपणान दुचाकी चलयल्ले खातीर चालका आड गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
