भांगरभूंय | प्रतिनिधी
१. भारतांतल्या भोवसंख्य हिंदूंक न्याय दिवपा खातीर संविधानांतल्यान ‘धर्मनिरपेक्ष’ आनी ‘समाजवाद’ हे शब्द बेगोबेग काडून थंय ‘आध्यात्मीक’ शब्द जोडचो आनी भारताक ‘हिंदु राष्ट्र’ घोशीत करचें!
२. हें अधिवेशन नेपाळांतल्या हिंदूंच्या ‘नेपाळाक हिंदु राष्ट्र घोशीत करचें’ हे मागणेक पुराय फाटबळ दितां.
३. हिंदूंचे मुळावे हक्के पाळीनाशिल्लो ‘Places of Worship Act 1991’ कायदो बेगोबेग रद्द करचो आनी काशी, मथुरा, ताजमहाल, भोजशाळा हीं मुघल आक्रमकांनी बळयां घेतिल्लीं देवळां आनी भूंय परत हिंदूंच्या नियंत्रणांत दिवची.
४. देशभरांत सरकाराच्या नियंत्रणांत आशिल्लीं सगळीं देवळां सरकारी नियंत्रणांतल्यान मुक्त करून तीं भाविकां कडेन दिवचीं.
५. देवळांचो वाठार ‘सोरो- मांस’ मुक्त आसचो.
६. केंद्र सरकारान पुराय देशांत ‘गोहत्या बंदी’ आनी ‘धर्मांतर बंदी’ करपी कायदे करचे. धर्मांतर आडावपाक राज्यघटनेंतलें कलम २५ सुधारून तांतल्यान धर्माचो ‘प्रचार’ हो शब्द काडचो.
७. ‘FSSAI’ आनी ‘FDA’ सारक्यो सरकारी संस्था असतना धर्मीक आदाराचेर चलोवपी बेकायदेशीर ‘हलाल सर्टिफिकेटी’ चेर बेगोबेग बंदी हाडची.
८. वक्फ बोर्ड कायदो बेगोबेग रद्द करचो आनी लॅण्ड जिहादान अतिक्रमण केल्ल्यो सगळ्यो जमनी वक्फ बोर्डाच्या नियंत्रणांतल्यान मुक्त करच्यो.
९. भारता आड झूज करपाक लायिल्ल्या ‘गझवा- ए- हिंद’चो फतवो काडपी ‘दारुल उलूम देवबंद’ हे संघटणेचेर बंद घालची.
१०. ‘इन्क्विझिशन’च्या नांवा खाला २५० वर्सां पसून गोंयकारांचेर जाल्ल्या मनीसपणा भायल्या आनी क्रूर अत्याचारा विशीं क्रिस्तांव धर्मगुरू पोप हांणी गोंयचे जनतेची जाहीर माफी मागची.
११. काश्मीर देंगणांत ‘पनुन काश्मीर’ नांवाचो केंद्रशासीत प्रदेश निर्माण करून विस्थापीत काश्मिरी हिंदूंक थंय परत हाडचे.
१२. आंतरराष्ट्रीय मानवाधिकार संघटणा आनी भारत सरकारान पाकिस्तान, बांगलादेश आनी श्रीलंकेक हिंदूंचेर जाल्ल्या अत्याचारांची चवकशी करून थंयच्या अल्पसंख्याक हिंदूंक संरक्षण दिवचें.
१३. भारतांत घुसखोरी केल्ल्या रोहिंग्या आनी बांगलादेशी मुस्लिमांक परत धाडपा खातीर सरकारान खर कायदो करचो. नागरिकत्व सुधारणा कायद्याची अंमलबजावणी करची.
१४. मानवतेचे नदरेन आनी घटनात्मक अधिकारांचो विचार करून गोंयचे मुख्यमंत्री प्रमोद सावंत हांणी कर्नाटकाच्या ‘श्री राम सेने’चे अध्यक्ष प्रमोद मुतालिक हांचेर गोंय राज्यांत येवपाक घाल्ली बंदी काडची.
१५. ओटीटी आनी वेबसिरीज कायद्याचे कक्षेंत हाडपाक जाय. सेन्सॉर बोर्डांत हिंदू आनी आध्यात्मीक संघटनांच्या प्रतिनिधींचो आसपाव करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
