भांगरभूंय | प्रतिनिधी
फोंडें, प्रतिनिधी: गोंयांत अपघातांचें सत्र चालूच आसा. दर दिसा अपघात घडप आनी तातूंत कोणाक ना कोणाक मरण येवप अश्यो घडणुको घडतूच आसात. फोंड्यां म्हालांत आयज दनपार मेरेन दोन अपघात घडले. ह्या दोनाय अपघातांनी एकेकल्याक मरण आयलें. पयलो अपघात फोंडें उड्डाण पुलाचेर जालो, जाल्यार दुसरो पंचवाडी- शिरोड्यां.
उड्डाण पुलार श्रावणाक मरण
उड्डाण पुलाचेर घडिल्ल्या अपघातांत दुचाकी चालक श्रावण हरी नायक (१९) हाणें लायटीच्या खांब्याक धपको दिलो. हातूंत श्रावणाक जाग्यारूच मरण आयलें.
पंचवाडी- शिरोड्यां टँकर आनी गाडये मदीं जाल्ल्या अपघातांत मुहंमद हाका मरण आयलें. तशेंच हेर तीग जाण जखमी जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
