भांगरभूंय | प्रतिनिधी
भांगरभूंय । प्रतिनिधी
फोंडेंः वाह.. वाह.. किती आनंद झाला.. ह्या गजरांत फोडें शारांत रंगरंगयाळी शिगमोत्सव मिरवणूक जाली. मंगळारा रातीं 10 मेरेन हजारांनी लोकांनी आकर्शक चित्ररथ, रोमटां मेळ, लोकनाच आनी जायत्या कलाकारांनी केल्ली भेसवण पळयली. मिरवणुकीचें हें खाशेलें आकर्शण आशिल्लें.
फोडे पालिकेचो मुख्याधिकारी योगीराज गोसावी हाचे हस्तुकीं नाल्ल दवोरून मिरवणुकेक सुरवात जाली. ह्या वेळाप पर्यटन खात्याचो संचालक सुनील हंशीपली, उपसंचालक धीरज वागळे, उपजिल्होधिकारी रोहन काटकार, अॅड मनोहर आडपयकार, गुरुनाथ नायक, किशोर नायक, हनुमंत नायक, कृष्णा नायक आनी हेर मानेस्त हाजीर आशिल्ले.
मिरवणुकेंत 25 चित्ररथ, 10 रोमटां मेळ, 5 लोकनाच आनी 50 परस चड कलाकारांती तरेकवार भेशवण सर्ती खातीर नांव नोंदणी केल्ली. मात लोकसभा वेंचणुकेची आचार संहिता लागू जाल्ल्यान रातीं 10 वरांचेर मिरवणूक बंद केली. ताका लागून कलाकार आनी साबार लोकांची निर्शेणी जाली. रातीं 8.30 सावन चित्ररथ मिरवणुकेक सुरवात जाली.
वेंचणूक आचार संहितेक लागून मिरवणूक रातयां 10 वरांचेर बंद करपाचो आदेश राज्य वेंचणूक आयोगान दिल्लो. मात मिरवणुकेंत वांटेकार जाल्ल्या रोमटां मेळानी वेळाच्या ह्या बंधनाक पाळो दिलो ना अशें दिसून आयलें. ताका लागून सर्तीचे परिक्षक कसलो निर्णय घेतात हाचेर लोकांची नदर लागल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
