भांगरभूंय | प्रतिनिधी
फोंडें विभागाच्या शारिरीक शिक्षक पंगडाक अखील गोंय हॅव्ही बॉल क्रिकेट सर्तीचें वस्तादपण फावो जालें. जाल्यार काणकोणाक उप वस्तादपणाचेर समाधान मानचें पडलें. सर्तीचें आयोजन सत्तरी तालुक्यातल्या शारिरीक शिक्षक संघा वतीन केल्लें.
पर्येंच्या भुमिका मैदानाचेर सर्तीचें आयोजन केल्लें. सर्तीच्या आयोजनाची जापसालदारकी सत्तरी तालुक्यातल्या शारिरीक शिक्षक फोरम संघान घेतिल्ली. हातूंत वेगळ्यावेगळ्या तालुक्यातल्या शारिरीक शिक्षकांच्या संघाचो वांटो आशिल्लो.
इनामां भेटवण सुवाळ्याक तालुको खेळां अधिकारी दिलीप गांवकार, केरी स्वामी विवेकानंद हायस्कुलाचे मुख्याध्यापक गोपिनाथ गांवस, काणकोण तालुक्याचे संतोष सतरकार आनी हेरांची उपस्थिती आशिल्ली. कार्यावळीचें सुत्रसंचालन पांडुरंग गांवकारान केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
