फोंडें वाठारांत बायलांच्या गळ्यांतले दागिने झोमून व्हरपाच्या प्रकारांत वाड

भांगरभूंय | प्रतिनिधी

भांगरभूंय । प्रतिनिधी
फोंडेंः फोंडें वाठारांत फाटल्या कांय दिसां सावन बायलांच्या गळ्यातल्यो भांगराच्यो वस्ती झोमून व्हरपाचे जायते प्रकार जाल्यात. गांवगिऱ्या वाठाऱा सयत शार वाठारांत रस्त्या वयल्यान चलत वचपी बायलांच्या गळ्यांतले दागिने व्हरपाचे प्रकार सध्या वाडपाक लागल्यात.  ताका लागून नंबर प्लेट नाशिल्ल्या दुचाकी वाहनां आड फोंडे पुलिसांनी कारवाय करपाक सुरवात केल्या.
कांय दिसां पयलीं बोरये, खडपाबांद आनी प्रियोळ हांगा बायलांच्या गळ्यांतले दागिने झोमून व्हरपाचे प्रकार जाल्ले. ताची दखल घेवन पुलिसांनी  मोडिफायड तशेंच नंबर प्लेट नाशिल्ल्या दुचाकीं चालकां आड कारवाय करपार सुरवात केल्या. फर्मागुडी, उसगांव, बेतोडें, कुर्टी आनी दत्तगड वाठारांत नंबर प्लेट नाशिल्ल्यो दुचाकी फास्ट चलयतात. शारांतले सीसीटीव्ही कॅमेरे बंद आशिल्ल्यान ताचो फायदो चोर घेवपाक लागल्यात. खंडपाबांद हांका रस्त्यान चलपी एके बायलेच्या गळ्यांतली भांगराची सरपळी झोमून व्हरपाचो प्रकार जाल्लो. नंबर प्लेट नाशिल्ल्या तशेंच दुचाकी फास्ट चलयतात तांचेर पुलीस कारवाय करपाची साबार लोकांची मागणी आसा.