भांगरभूंय | प्रतिनिधी
भांगरभूंय । खेळां मेज
पणजीः फोंडें तालुको बुद्दिबळ असोसिएशना वतीन तालुको, राज्य आनी फिडें मानांकन पांवड्यार बरी कामगिरी करून दाखोवपी बुद्दिबळ खेळगड्यांचो भोवमान केलो. हॉटेल पॅन आरोमा हांगा जाल्ले कार्यावळींत फोंडें तालुक्यांतल्या देवेश नायक, अवनी सावयकार, सार्थक नायक, अवनिश बोरकार, रिद्धी गावडे आनी स्वयंक संदेश नायक खेळगड्यांक भोवमानीत केलें.
फोंडें तालुको बुद्दिबळ असोसिएशनाचो अध्यक्ष सागर साकोर्डेकार हांणे सुरवेक सगल्यांक येवकार दिलो आनी मुखेल सोयरो अमोध नमशिकार हाची वळख करून दिली तशेंच बुद्दिबळ खेळगड्यांच्या कामगिरीची म्हायती दिली. गोंय बुद्दिबळ असोसिएशनाचो अध्यक्ष महेश कांदोळकार हांणी बुद्दिबळ खेळगड्यांचो भोवमान केलो. ह्या वेळार अर्चना तेंडुलकार हाजीर आशिल्ली. फिडे मानांकन सर्तींत बरी कामगिरी केल्ले खातीर अवनिश बोरकार हाचो एसआरएस वेदीक मॅथ्य्स अकादमी वतीन भोवमान केलो.
अमोघ नमशिकारान फोंडें तालुको बुद्दिबळ असोसिएशन बुद्दिबळ सर्ती आयोजीत करून खेळगड्यांक खेळपाची संद मेळोवन दिता हे खातीर तांची तोखणाय केली. पंकज चव्हाणान निमणे उपकार मानले. कार्यावळीक संदेश नायक, जयवंत हरमलकार विल्सन क्रूज, आनंद कुर्टिकार नरेश गांवणेकार आनी राधा साकार्डेकार हाजीर आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
